ဒိၣ်ထီၣ်လၢကစၢ်ယ့ၣ်ရှူးအပူၤ

ဒ်ဖိသၣ်တဂၤအသိး, ယထံၣ်ပှၤဒိၣ်တုာ်ခိၣ်ပှဲၤတဖၣ် မ့ၢ်ပှၤလၢ အကူၣ်သ့ကူၣ်ဘၣ်, ဒီးတၢ်တကဲထီၣ်လိၣ်ထီၣ် တအိၣ်ဘၣ်န့ၣ်လီၤ. ယဆိကမိၣ်လၢ အဝဲသ့ၣ်ကဘၣ်မၤတၢ်မနုၤလဲၣ်န့ၣ် သ့ၣ်ညါဝဲထီဘိန့ၣ်လီၤ. မုၢ်တနံၤ, ယမ့မ့ၢ် ပှၤဒိၣ်တုာ်ခိၣ်ပှဲၤတဂၤန့ၣ် ယကဘၣ်မၤတၢ်မနုၤလဲၣ်န့ၣ် ယဆိကမိၣ် ယကသ့ၣ်ညါထီဘိစ့ၢ်ကီးန့ၣ်လီၤ. ဂ့ၤလံ, “မုၢ်တနံၤ” ဟဲတုၤအိၣ်ယၤ ဖဲအပူၤကွံာ်တဘျုးနံၣ်တဖၣ်အပူၤ, ဒီးယမၤလိန့ၢ်ဝဲလၢ, အါစုအါဘျီန့ၣ် ယကဘၣ်မၤတၢ်မနုၤလဲၣ်န့ၣ် ယတသ့ၣ်ညါဒံးဘၣ်န့ၣ်လီၤ. ဖဲယဟံၣ်ဖိဃီဖိ ဆူးဆါမ့ၢ်ဂ့ၤ, တၢ်ဂ့ၢ်ကီသ့ၣ်တဖၣ် လၢတၢ်ဖံးတၢ်မၤအပူၤမ့ၢ်ဂ့ၤ, တၢ်သဘံၣ်ဘုၣ်, တၢ်ထီဒါလိာ်သးလၢ တၢ်ရ့လိာ်ဘၣ်ထွဲအပူၤမ့ၢ်ဂ့ၤ, တၢ်ဆၢကတီၢ်ဒ်သိးအံၤတဖၣ်န့ၣ် ယဘၣ်ဂုာ်ကျဲးစၢး ဂဲၤလိာ်လၢ တၢ်နာ်ကမၣ်တၢ် လၢနီၢ်တဂၤ အတၢ်ပၢဆှၢလီၤသး ဒီးတၢ်ဂံၢ်တၢ်အဘါအဃိ, ဒီးလၢယဂီၢ်တၢ်ဃုထၢ အိၣ်တ့ၢ်ထဲတမံၤ, ဒ်အမ့ၢ်ဘံၣ်လီၤယမဲာ်ချံ ဒီးစံးကတိၤကသွံ, “ယကဘၣ်မၤတၢ်မနုၤလဲၣ်န့ၣ် ယတသ့ၣ်ညါလၢၤဘၣ် အဃိ, ကစၢ်ဧၢ, မၤစၢၤယၤတက့ၢ်” န့ၣ်လီၤ.

တၢ်မၤဖိ စီၤပီလူး နၢ်ပၢၢ်ဝဲ တၢ်တူၢ်ဘၣ်ခီၣ်ဘၣ်တၢ် ဘၣ်ထွဲဒီးတၢ်မၤစၢၤတအိၣ်လၢၤဘၣ်အဂ့ၢ်န့ၣ်လီၤ. ဘၣ်သ့ၣ်သ့ၣ် “တၤဆှူၣ်” ကမ့ၢ်ဝဲနီၢ်ခိအတၢ်ဂံၢ်စၢ်ဘါစၢ် လၢအကဲထီၣ် တၢ်သးတံာ်တာ် ဒီးတၢ်အ့ၣ်စိၢ်အ့ၣ်ထုး လၢအတၢ်အိၣ်မူအပူၤ န့ၣ်လီၤ.…

တၢ်ပာ်လီၤသးကျၢၤမှုဆှု လၢကစၢ်ယ့ၣ်ရှူးအပူၤ

အပူၤကွံာ်တဘျုးနံၣ်န့ၣ် ဖဲလၢယမၤလိတၢ်လၢ စ့ၤမ့ၤနရံအကတီၢ် ပအိၣ်ဒီး တနွံတဘျီ ခၠးပဲၣ် (Chapel) တၢ်ဘါန့ၣ်လီၤ. ဘၣ်ဖဲတၢ်ဘါတဘျီန့ၣ်, ပဝဲကၠိဖိတဖၣ် ပသးဝံၣ်သကိး “ယွၤန့ၣ်ဒိၣ်ဝဲ” အကတီၢ် ယထံၣ်ပသရၣ်သၢဂၤ လၢပအဲၣ်ဘၣ်တဖၣ်န့ၣ် သးဝံၣ်ဃုာ်ဒီးပှၤ လၢတၢ်သးဆူၣ် န့ၣ်လီၤ. အဝဲသ့ၣ်အမဲာ်သၣ်ကပြုၢ်ကပြီၤထီၣ် ခီဖျီလၢတၢ်သးခု, ဒီးမ့ၢ်လၢအဝဲသ့ၣ် စူၢ်နာ် ကစၢ်ယွၤအဃိ တၢ်မၤအသးဒ်သိးအံၤန့ၣ် ကဲထီၣ်သ့ဝဲဒၣ်န့ၣ်လီၤ. နံၣ်တဖၣ်လဲၤပူၤကွံာ်ဝံၤန့ၣ်ဒီး အဝဲသ့ၣ်တဂၤစုာ်စုာ် တူၢ်ဘၣ်ခီၣ်ဘၣ်တၢ်ဆါအၢအကတီၢ်, တၢ်နာ်တမံၤဃီအံၤအဃိ တူၢ်ဝဲခီၣ်ဝဲ တၢ်ဆူးတၢ်ဆါန့ၢ်, ဒီးဟ့ၣ်ဂံၢ်ဟ့ၣ်ဘါပှၤဂၤသ့ဝဲဒၣ်စ့ၢ်ကီးန့ၣ်လီၤ.

တနံၤအံၤ, ဒ်သိးယကလဲၤခီဖျိန့ၢ် တၢ်မၤကွၢ်အကီအခဲတဖၣ်အဂီၢ်, တၢ်လၢအသဆၣ်ထီၣ်ယၤ မ့ၢ်တၢ်သ့ၣ်နီၣ်ထီၣ် ယသရၣ်တဖၣ်သးဝံၣ်တၢ်န့ၣ်လီၤ. ပှၤအိၣ်မူအိၣ်ဂဲၤလၢတၢ်နာ်အဂ့ၢ်အကျိၤ အါမးတဖၣ်အကျါ, အဝဲသ့ၣ်မ့ၢ်ပှၤတနီၤ, လၢယဂီၢ်အဝဲသ့ၣ်မ့ၢ် ပှၤလၢအမၤဆူၣ်ထီၣ်ပသးန့ၣ်လီၤ. အဝဲသ့ၣ်မ့ၢ်ပှၤလၢအမၤသ့ၣ်နီၣ်ထီၣ်က့ၤတၢ် ဖဲလၢ ဧ့ၤဘြံၤ ၁၂:၂-၃ အပူၤ ပှၤကွဲးလံာ်ကွဲမုာ်ပှၤလၢ ပကပာ်လီၤသးကျၢၤမှုဆှု လၢကစၢ်ယ့ၣ်ရှူးအပူၤ ဒီးစံးဝဲ “မ်ပကကွၢ်ဃီၤတၢ်ဆူအအိၣ်တက့ၢ်, အဝဲဒၣ်ဒိးထူၣ်စုညါ, ... လၢတၢ်သးခုအိၣ်ပာ်လီၤအသးလၢအမဲာ်ညါအဃိ...” န့ၣ်လီၤ.

ဖဲပဘၣ်လဲၤခီဖျိတၢ်မၤကွၢ်တဖၣ်အကတီၢ်- လၢတၢ်မၤအၢမၤနးပှၤမ့ၢ်ဂ့ၤ, လၢတၢ်အိၣ်မူ…

ယကစၢ်ယွၤအိၣ်ဘူးဒီးယၤ

လီဒဲးစ် (Lourdes), သရၣ်သိၣ်လိတၢ်ကလုၢ် လၢမနံၣ်လၣ်တဂၤ, သိၣ်လိအပျဲၢ်အဘီၣ်တဖၣ် လၢမဲာ်သကိးမဲာ် အါန့ၢ်အနံၣ် သၢဆံလံန့ၣ်လီၤ. ဖဲအဝဲဘၣ်တၢ်ဃ့အီၤ ဒ်သိးကသိၣ်လိတၢ်လၢ အီၣ်လဲအဂီၢ်န့ၣ်, “ယစူးကါခီၣ်ဖၠူထၢၣ်တသ့ဂ့ၤဂ့ၤဘၣ်,” စံးကဒီးဝဲ, “ယလဲးထီး (laptop) န့ၣ် လီၢ်လံၤလံ, ယတညီနုၢ် သိၣ်လိတၢ်လၢ ဘ့းဒံၣ်ယိၣ် ခီဖရဲး(စ) အတၢ်သ့တၢ်ဘၣ်အပူၤဘၣ်” အဃိ, အဝဲဘၣ်ယိၣ်တၢ်န့ၣ်လီၤ.

ၦၤတနီၤအဂီၢ် ဘၣ်သ့ၣ်သ့ၣ်ကမ့ၢ်တၢ်မၤအဘီၣ်အညီဘၣ်ဆၣ် လၢလိဒ့းစ်အဂီၢ်, မ့ၢ်တၢ်ဝံ တၢ်ယိးနီၢ်နီၢ်န့ၣ်လီၤ. အဝဲစံး “ယအိၣ်ဒၣ်ထဲတဂၤအဃိ, ၦၤလၢကမၤစၢၤယၤတအိၣ်ဘၣ်. ယဘၣ်ယိၣ်လၢယပျဲၢ်တဖၣ် ကဟးထီၣ်လၢ တၢ်သိၣ်လိ ကဟးဖးဒီးယၤ, ယလိၣ်ဘၣ်ကျိၣ်စ့တၢ်ဟဲနုၥ်န့ၣ်လီၤ.”
တချုးတၢ်သိၣ်လိ အကတီၢ်စးထီၣ်န့ၣ် လိဒ့းစ် ထုကဖၣ်တၢ် လၢအလဲးထီးကမၤတၢ်ဂ့ၤဂ့ၤ န့ၣ်လီၤ. “ယခီၣ်ဖၠူၣ်ထၢၣ်အမဲာ်သၣ်လိၤ ယတီၢ်ထီၣ် လံာ်စီဆှံအဆၢ ဖံလံးပံၤ ၄:၅-၆, လၢတၢ်န့ၢ်ဂ့ၢ်န့ၢ်ဘါ အဂီၢ်,” ဒီးစံးဝဲဒၣ်လၢ “ယဟံးဃၥ်လံၥ်ဖျၢၣ်ဖိတဖၣ်အံၤန့ၣ်လီၤ.”

ဖံလံးပံၤ ၄:၅ အပူၤ စီၤပီလူးဟ့ၣ်ဂံၢ်ဟ့ၣ်ဘါၦၤလၢ မ်ပသုတဘၣ်ယိၣ်တၢ်လၢ တၢ်နီတမံၤတဂ့ၤ, အဂ့ၢ်ဒ်အံၤ, ကစၢ်အိၣ်ဘူးဒီးပှၤအဃိန့ၣ်လီၤ.…

ကစၢ်ယွၤတသးပ့ၤနီၣ်နၤဘၣ်

ဖဲယမ့ၢ်ဖိသၣ်တဂၤအဆၢကတီၢ်န့ၣ်, ယထၢဖှိၣ်ပာ်ဖှိၣ် တၢ်ဆှၢလံာ်အတၢ်ဂီၤခိၣ်တဖၣ်န့ၣ်လီၤ. ဖဲယ အဲ(န)ကိ (angkong) {အခီပညီ မ့ၢ် ‘ဖု’ လၢ ဖူၣ်ကံန့ အကျိာ် (Fukienese)} နၢ်ဟူ ယတၢ်သးစဲအဂ့ၢ်အံၤဒီး, စးထီၣ်ပာ်ဖှိၣ် အဝဲၤလီၢ် အလံာ်ပရၢအတၢ်ဂီၤခိၣ်တဖၣ် ကိးနံၤဒဲးန့ၣ်လီၤ. ဖဲယလဲၤအိၣ်သကိး ယဖုယဖံတဖၣ်တဘျီလၢ်လၢ်န့ၣ်, ယဖုဟ့ၣ်လီၤယၤလံာ်ဒၢတဖျၢၣ် အိၣ်ပှဲၤဒီး တၢ်ဂီၤခိၣ်ဃံလၤ အကလုာ်ကလုာ်တဖၣ်န့ၣ်လီၤ. ဘၣ်တဘျီန့ၣ် အဝဲစံးဘၣ်ယၤလၢ “ယတၢ်မၤ အါထီဘိဒၣ်လဲာ်, ယတသးပ့ၤနီၣ်နၤဘၣ်” န့ၣ်လီၤ.

ယဖုန့ၣ် တဒုးနဲၣ် အတၢ်အဲၣ်ကဟုကယာ်တၢ်ပျီပျီဘၣ်ဆၣ် ယသးကလၢၢ်ဘၣ် အတၢ်အဲၣ် ဒိၣ်ဒိၣ်ယိာ်ယိာ်န့ၣ်လီၤ. ခီဖျိကျိၤကျဲလၢအဒိၣ်အယိာ်, ဒီးလၢတၢ်ထိၣ်ဒွးအီၤတသ့တန့ၢ်အပူၤ, ယွၤ ဒုးနဲၣ်ပာ်ဖျါအတၢ်အဲၣ်လၢပှၤအံၣ်စရ့လးဖိအဂီၢ်, ဒီးဘိးဘၣ်သ့ၣ်ညါဝဲလၢ ယရှါ ၄၉:၁၅ အပူၤ “ယတသးပ့ၤနီၣ်ဘၣ်နၤဘၣ်” န့ၣ်လီၤ. တၢ်အပူၤကွံာ်န့ၣ် အပှၤဂီၢ်မုၢ်တဖၣ် ဘါတၢ်ဂီၤတၢ်ဖီၣ် ဒီးတဒိကနၣ်ယွၤအဃိ, ဘၣ်တူၢ်တၢ်နးတၢ်ဖှီၣ် လၢကီၢ်ဘၤဘူၤလိၣ်အဆၢကတီၢ်န့ၣ်, အဝဲသ့ၣ် သူၣ်အုးသးအုး ဒီးစံးဝဲလၢ အဆၢဖိ ၁၄ အပူၤ “ကစၢ်န့ၣ်…

တၢ်နာ်သန့ၤသးလၢယွၤ

ယလိၣ်ဘၣ် ကသံၣ်ခံကလုာ် လၢအဆိအချ့န့ၣ်လီၤ. ယမိၢ်အဂီၢ် ဖံးဘ့ၣ်လိၤ တၢ်ဂီၤထီၣ်တၢ်ဆါ (allergies) ဒီးယဖိဒိၣ်မုၢ်အဂီၢ် ခူၣ်သးတၢ်ဆါ(eczema)န့ၣ်လီၤ. အဝဲသ့ၣ် တူၢ်ဘၣ်ခီၣ်ဘၣ်တၢ်န့ၣ် ယံာ်ထီၣ်နးဒိၣ်ထီၣ်ဘၣ်ဆၣ်, လၢကသံၣ်ကျးန့ၣ် ပဃုပှ့ၤ ကသံၣ်တန့ၢ်လၢၤဘၣ်ဒီး, တၢ်မုၢ်လၢ်တအိၣ်, လၢတၢ်ဘၣ်ယိၣ်အပူၤ ယဃ့ထုကဖၣ် တဘျီဝံၤတဘျီ “ပၢ်ယွၤဧၢ, မၤစၢၤဘၣ် အဝဲသ့ၣ်တက့ၢ်” န့ၣ်လီၤ.

မုၢ်နံၤအါသီလဲၤပူၤကွံာ်ဝံၤ, အဝဲသ့ၣ် အတၢ်တူၢ်ဘၣ်ခီၣ်ဘၣ်တၢ်တဖၣ် ကိညၣ်ထီၣ်ဝဲဒၣ်န့ၣ်လီၤ. ဖျါလၢကစၢ်ယွၤစံးဝဲ “ဒ်သိးယကယါဘျါတၢ်အဂီၢ် အကတီၢ်တဖၣ်အိၣ်လၢ ယစူးကါကသံၣ်ကသီ န့ၣ်လီၤ. ဘၣ်ဆၣ်, ကသံၣ်ကသီ တမ့ၢ်တၢ်အကတၢၢ်အစဲဘၣ်, မ့ၢ်ဒၣ်ယ၊လီၤ. တဘၣ်သန့ၤနသးလၢ ကသံၣ်ကသီတဂ့ၤ, မ့မ့ၢ် သန့ၤနသးလၢယၤတက့ၢ်” န့ၣ်လီၤ.

လၢထါစံးထီၣ်ပတြၢၤ ၂၀ အပူၤန့ၣ် ခီဖျိတၢ်နာ်သန့ၤသးလၢကစၢ်ယွၤအဃိ စီၤပၤဒၤဝံးဒိးန့ၢ် တၢ်မၤမုာ်ထီၣ်က့ၤအီၤန့ၣ်လီၤ. အဆၢဖိ ၇ ပာ်ဖျါဝဲ ပှၤအံၣ်စရ့လးဖိတဖၣ် အိၣ်ဒီးသုးမုၢ်လၢအဂံၢ်ဆူၣ် အဘါဆူၣ်ဘၣ်ဆၣ်, တၢ်ဂံၢ်ဆူၣ်အဒိၣ်ကတၢၢ်အံၤ အိၣ်ဟဲလၢ “ယွၤပကစၢ်အမံၤ” လီၤန့ၣ် ပှၤဂီၢ်မုၢ် သ့ၣ်ညါဝဲဒၣ်န့ၣ်လီၤ. အဝဲသ့ၣ်နာ်သန့ၤအသးလၢ…

ဟံးဃာ်ကစၢ်ယ့ၣ်ရှူး ဂၢၢ်ဂၢၢ်ကျၢၤကျၢၤ

လၢဝဲၤလီၢ်တၢ်သူၣ်ထီၣ် အဃီသွါလိၤန့ၣ်ယခိၣ်မူ, ဒီးဃီသွါတဖၣ် ဖျါလံၤတရံးအသးချ့ချ့အဃိ လၢတၢ်သးဂဲၤလုၢ်ဘၢယၤအပူၤ ယဘၣ်ဖီၣ်ဃးဃီအစုဟံးန့ၣ်လီၤ. ဒ်ယသးစံၣ်ဆူၣ်ထီၣ်, ဒီးယခီၣ်တဖၣ် လီၤစၢ်ဝဲအဃိ, ယဖီၣ်ဃးဃီစုဟံးကျၢၤကျၢၤ, ဒီးဃီစုဟံးကျၢၤဝဲအဃိ ယဘၣ်စံးဘျုးတၢ်န့ၣ်လီၤ. ဖဲယလဲၤမၤကွၢ်ယတၢ်အိၣ်ဆူၣ်အိၣ်ချ့န့ၣ်ဒီး တၢ်အစၢဖျါလၢ ယအိၣ်ဒီးသွံၣ်အဂံၢ်ဘါစၢ်တၢ်ဆါန့ၣ်လီၤ. တၢ်ဆါအံၤ တမ့ၢ်တၢ်လၢအလီၤဘၣ်ယိၣ်အဃိဒီး ယအိၣ်မုာ်ထီၣ်က့ၤဘၣ်ဆၣ်, တၢ်လၢယတူၢ်ဘၣ် မုၢ်နံၤအံၤ ယဂံၢ်ဘါစၢ်ထဲလဲၣ်န့ၣ် ယတသးပ့ၤနီၣ်အီၤနီတဘျီဘၣ်န့ၣ်လီၤ.

လၢတၢ်န့ၣ်အဃိ, ယယူးယီၣ်ပးကဲ ပိာ်မုၣ်လၢအလဲၤထိးကစၢ်ယ့ၣ်ရှူးန့ၣ်လီၤ. မးသဲ ၉ :၂၀-၂၂ ပာ်ဖျါဝဲ ပိာ်မုၣ်အံၤတမ့ၢ်ထဲလဲၤနုာ်လီၤဖျိပှၤဂီၢ်မုၢ်, ဖဲလၢအနီၣ်ခိတၢ်ဂံၢ်စၢ်ဘၣ်စၢ်အတီၢ်ပူၤဒၣ်လဲာ်ဘၣ်. ဒုးနဲၣ်စ့ၢ်ကီးအတၢ်နာ် ခီဖျိဂုာ်လဲၤသုးဘူးအသးဆူ ကစၢ်ယ့ၣ်ရှူးအအိၣ်န့ၣ်လီၤ. ပိာ်မုၣ်တဂၤအံၤအိၣ်ဒီး တၢ်ဂ့ၢ်လၢကဘၣ်ပျံၤဝဲ- ၃ မိၤ ၁၅ :၂၅-၂၇ အပူၤ ပှၤယူဒၤဖိအတၢ်သိၣ်တၢ်သီ ပာ်ဖျါလီၤတံၢ်လီၤဆဲးလၢ အဝဲမ့ၢ်ပှၤလၢတကဆှီ, ဒီးမ့ၢ်လၢအဝဲလဲၤတၢ်က့ၤတၢ် လၢပှၤအါဂၤအကျါအဃိ, ကဘၣ်ကွၢ်ဆၢၣ်မဲာ်ဝဲ တၢ်စံၣ်ညီၣ်လၢအပိာ်ထွဲထီၣ်အခံန့ၣ်လီၤ. ဘၣ်ဆၣ် အတၢ်ဆိကမိၣ်လၢအမ့ၢ် “ယမ့ၢ်ထိးဘၣ်ထဲ အဆ့လုးဖးထီ” အံၤန့ၣ်, ဒုးလဲၤအီၤဆူညါန့ၣ်လီၤ. ဖဲလံာ်မးသဲ ၉:၂၁ အပူၤ ဟ့းလ့ၣ်အလံာ်မဲာ်ဖျၢၣ်လၢ အဘၣ်တၢ်ကွဲးကျိာ်ထံက့ၤ “ထိးလၢစု”…

နနာ်န့ၢ်ကစၢ်ယွၤသ့ဝဲ

ယသၣ်မံယီၤဖိမံးကံၣ် (Mickey) အမဲာ်ချံဆါအဃိ, ယဘၣ်တ့ၢ်နုာ်ကသံၣ်ထံလၢ အမဲာ်ချံပူၤကိးနံၤဒဲး န့ၣ်လီၤ. ဖဲယပာ်အီၤလၢ တၢ်လုၣ်ထံလီၢ်ဒၢး စီၣ်ဘံၣ်ခိၣ်လိၤန့ၣ်ဒီး, ဆ့ၣ်နီၤဝဲ ဒီးကွၢ်ထီၣ်ယမဲာ်လၢတၢ်ပျံၤ တၢ်ဖုးဒီး အိၣ်ဃိကလာ်လၢယကတ့ၢ်နုာ် ကသံၣ်ဖီၣ်ထံအဂီၢ်န့ၣ်လီၤ. ယကတိၤကသွံတၢ်ဒီးအီၤ ‘ပိာ်ခွါဖိလၢအနၢ်လိၤ’ န့ၣ်လီၤ. ယမၤအီၤတၢ်မနုၤလဲၣ်န့ၣ် တသ့ၣ်ညါဝဲဘၣ်ဆၣ်, အဝဲတဃ့ၢ်စံၣ်ဖျိး မ့တမ့ၢ် တကွးမၤဆါယၤဘၣ်. လၢတၢ်အံၤအလီၢ်န့ၣ် အဝဲဟဲသုးဘူးအသးဆူယအိၣ်, ပှၤလၢအမၤကီ မၤခဲအီၤအအိၣ်န့ၣ်လီၤ. သ့ၣ်ညါဝဲလၢနာ်န့ၢ်ယၤသ့အဃိန့ၣ်လီၤ.

ဖဲစီၤဒၤဝံးကွဲး ထါစံးထီၣ်ပတြၢၤ ၉ န့ၣ် ဘၣ်သ့ၣ်သ့ၣ် အသးကလၢၢ်ဘၣ်တ့ၢ်လံ ယွၤအတၢ်အဲၣ်, ဒီးအတၢ်တီတၢ်လိၤန့ၣ်လီၤ. အဆၢဖိ ၃-၆ န့ၣ်စံးဝဲ, လၢတၢ်ကဒီတဒၢအီၤ လၢအဒုၣ်ဒါတဖၣ်, ဒီးယွၤကမၤ တၢ်လၢအဂီၢ်န့ၣ်, အဝဲဃၣ်အသးဆူ ကစၢ်ယွၤအအိၣ်န့ၣ်လီၤ. ဖဲလၢစီၤဒၤဝံးလိၣ်ဘၣ်တၢ်မၤစၢၤ တဘျီလၢ်လၢ်, ကစၢ်ယွၤ တလဲၤကပာ်အီၤနီတစုဘၣ်န့ၣ်လီၤ. လၢတၢ်န့ၣ်အဃိ, စီၤဒၤဝံးသ့ၣ်ညါဝဲလၢ ကစၢ်ယွၤမ့ၢ်ကစၢ်လၢ အလၢပှဲၤဒီးအစိကမီၤ, ဒီးတီဝဲလိၤဝဲ, အဲၣ်တၢ်ကွံတၢ် ဒီးအကလုၢ်တီတဂၤအဃိ, စီၤဒၤဝံးနာ်န့ၢ်အီၤန့ၣ်လီၤ. စီၤဒၤဝံးသ့ၣ်ညါဝဲလၢ ကစၢ်ယွၤမ့ၢ်ကစၢ်လၢတၢ်နာ်န့ၢ်အီၤသ့တဂၤန့ၣ်လီၤ.
စးထီၣ်လၢမုၢ်တနၤ, ဖဲယထံၣ်န့ၢ်မံးကံၣ်ဖိ…

ပတၢ်မုၢ်လၢ် အနီၣ်သက့ၤ

ယဖီၣ်တၢ်ဂီၤတဘ့ၣ် လၢအပာ်ဖျါပှၤကညီတဖၣ်မံဝဲဒၣ်လၢ စးခိအက့အခီတီၣ်တီၣ်တဖၣ်အဖီလာ် လၢကျဲကဆူးတၢ်ကပီၤကဒုကယီၢ်အဖီလာ်န့ၣ်ဒီး, ယသံကွၢ် ပှၤဃုတီၤအိၣ်ဘှံးနံၤတၢ်မၤလိကၠိဖိတဖၣ် လၢ “မ့ၢ်အဝဲသ့ၣ်ကလိၣ်ဘၣ်တၢ်မနုၤလဲၣ်” န့ၣ်လီၤ. ကၠိဖိတဂၤစံးဆၢ “တၢ်အီၣ်,” အတဂၤစံးဝဲ “ကျိၣ်စ့,” ဒီးမ့မ့ၢ်ပိာ်ခွါဖိတဂၤန့ၣ် စံးဆၢဝဲလၢတၢ်ဆိကမိၣ်ယိာ်ယိာ်အပူၤ “တၢ်လီၢ်လၢကအိၣ်ဘၣ် ဘံၣ်ဘံၣ်ဘၢဘၢတလီၢ်” န့ၣ်လီၤ. ဝံၤအလီၢ်ခံ, ပိာ်မုၣ်ဖိတဂၤ စံးပိာ်ထွဲဝဲလၢ “တၢ်မုၢ်လၢ်” န့ၣ်လီၤ.

အဝဲပာ်ဖျါဆှဲဝဲဒၣ် “တၢ်မုၢ်လၢ် မ့ၢ်တၢ်တမံၤလၢ တၢ်အိၣ်ခိးကွၢ်လၢ်တၢ်အဂ့ၤအဝါ ကဟဲအိၣ်ထီၣ်, ကဲထီၣ်အသး” န့ၣ်လီၤ. ခီဖျိလၢတၢ်တၤတၢ်တဖၣ်အဃိ, တၢ်အိၣ်ခိးကွၢ်လၢ် တၢ်အဂ့ၤအဝါကလီၤဘၣ် ပှၤလၢပတၢ်အိၣ်မူအပူၤန့ၣ် တမ့ၢ်တၢ်လၢအညီဘၣ်ဆၣ် အတၢ်ကတိၤဖိလၢအမ့ၢ် “တၢ်အိၣ်ခိးကွၢ်လၢ်” တၢ်အဂ့ၤအဝါစံးတၢ်န့ၣ် ထုးန့ၢ်သူၣ်န့ၢ်သးလၢယဂီၢ်န့ၣ်လီၤ. ဘၣ်ဆၣ်, လံာ်စီဆှံအတၢ်ပာ်ဖျါ တၢ်မုၢ်လၢ် အဂ့ၢ်န့ၣ် လီၤပလိာ်အသးဒီး ယပျဲၢ်ဖိအတၢ်ပာ်ဖျါန့ၣ်လီၤ. ဒ်လံာ်ဧ့ၤဘြံၤ ၁၁:၁ ပာ်ဖျါဝဲအသိး ပမ့ၢ်စံးလၢ “တၢ်စူၢ်တၢ်နာ်မ့ၢ်တၢ်မုၢ်လၢ်အတၢ်သန့ၤပသး” အဃိန့ၣ်ဒီး ပဝဲလၢ အစူၢ်က့ၤနာ်က့ၤ ကစၢ်ယ့ၣ်ရှူးတဖၣ် ပမုၢ်လၢ်တၢ်အဂ့ၤအဝါတဖၣ် ကဟဲအိၣ်ထီၣ်လၢပဂီၢ် သ့ဝဲဒၣ်န့ၣ်လီၤ.

တၢ်အဂ့ၤအဝါအဒိၣ်ကတၢၢ်လၢ ပှၤစူၢ်က့ၤနာ်က့ၤခရံာ်တဖၣ် မုၢ်လၢ်ဝဲ…

ပျဲအလဲၤ

တၢ်ဆါလံာ်လဲၢ်အကျးကစၢ်လၢ ကံး(သ) (Keith) မၤတၢ်အလီၢ်န့ၣ် လဲၤဟးကသုၣ်ကသီဆူတၢ်လီၢ်အယံၤ အိၣ်ဒံးဒၣ်ထဲခံသီဘၣ်ဆၣ် က့း(သ) ဒ်အမ့ၢ်ကျးကစၢ်အစုတီၤတဂၤအံၤ အသးဘၣ်ကိၢ်ဘၣ်ဂီၤဝဲဒၣ်န့ၣ်လီၤ. တၢ်ဖံးတၢ်မၤတဖၣ်လဲၤတရံးသးဂ့ၤဂ့ၤဘၣ်ဆၣ်, က့း(သ)န့ၣ် ဘၣ်ယိၣ်ဝဲလၢ တၢ်ပၢဆှၢသုးကျဲၤလံာ်လဲၢ်အကျးအတၢ်မၤန့ၣ် တမ့ၢ်မၤဝဲကန့ၢ်ဂ့ၤဂ့ၤဘၣ်အဃိ, အဝဲဃ့ၢ်ဝ့ၤဝီၤဒီး သုးကျဲၤမၤတၢ်, လၢအကြၢးမၤတဖၣ်ခဲလၢာ်လီၤ.

လၢခံကတၢၢ်န့ၣ် အတၢ်မၤကစၢ်ကတိၤတၢ်ဒီးအီၤလၢ ကလံၤဒၢ ဒီးစံး “ဆိကတီၢ်ကွံာ်” “တၢ်လၢနကဘၣ်မၤတဖၣ်န့ၣ် မၤထွဲတၢ်နဲၣ်ကျဲတဖၣ်လၢလီလံာ်ပရၢအပူၤ, လၢယကွဲးဆှၢန့ၢ်နၤ တနံၤဘၣ်တနံၤန့ၣ်တက့ၢ်. က့း(သ)ဧၢႇ ဘၣ်ယိၣ်တၢ်တဂ့ၤ. ပှၤလၢအကဘၣ်ဟံးန့ၢ်မူဒါန့ၣ် မ့ၢ်ဒၣ်ယၤလီၤ. တမ့ၢ်နၤဘၣ်” န့ၣ်လီၤ.

ဖဲတၢ်ဒုးတၢ်ယၤကဲထီၣ်ဒီး ထံကီၢ်အဂၤတဖၣ်အဆၢကတီၢ်, ၦၤအံၣ်စရ့လးဖိတဖၣ် ဒိးန့ၢ်တၢ်ကတိၤဒ်သိးအံၤလၢကစၢ်ယွၤအအိၣ် - စံး ၄၆:၁ဝ ပာ်ဖျါဝဲ “အိၣ်ဃိကလာ်” န့ၣ်လီၤ. အခီပညီန့ၣ် “ဆိကတီၢ်သုတၢ်ဂဲၤပျုၢ်ဂဲၤဆှး” ယွၤအဲၣ်ဒိးစံးဝဲ “ပိာ်ထွဲမၤထွဲ ဒ်သိးယစံးဘၣ်သု. ယကဒုးတၢ်လၢသုဂီၢ်” န့ၣ်လီၤ. ယွၤတစံးဘၣ် ၦၤအံၣ်စရ့လးဖိလၢ ကဘၣ်မ့ၢ်ၦၤတတြီဆၢတၢ်, မ့တမ့ၢ်ဘၣ်ဒီး ကဘၣ်သးမံသးမုာ်လၢ အတၢ်ဒၣ်ဝဲဘၣ်. မ့မ့ၢ်ကဘၣ်အိၣ်ဃိကလာ် လၢတၢ်သးဆူၣ်သးဂဲၤအပူၤ - ကဘၣ်ဒိကနၣ်ကစၢ်ယွၤ လၢတၢ်သးတီအပူၤ,…

ဖဲနလီၤဘှံးလီၤတီၤ အဆၢကတီၢ်

ဖဲယမၤဝံၤ တၢ်ဖံးတၢ်မၤတနံၤအဂီၢ်န့ၣ်ဒီး ယဆ့ၣ်နီၤအိၣ်ဂၢၢ်, အိၣ်ဃိကလာ်လၢ ယခီၣ်ဖၠူထၢၣ်ဆံးဖိအမဲာ်ညါန့ၣ်လီၤ. ယတၢ်မၤတဖၣ် ဝံၤလံအဃိ, ယကြၢးသးမုာ်သးဖှံဘၣ်ဆၣ် တၢ်တမၤအသးဒီးယၤဒ်န့ၣ်အသိးဘၣ်. ယလီၤဘှံးလၢ နီၢ်ခိဒီးနီၢ်သးန့ၣ်လီၤ. ယသးအတၢ်ဝံဃၢ ဘၣ်ထွဲဒီး တၢ်ဖံးတၢ်မၤအတၢ်ဂ့ၢ်ကီတမံၤအဃိ ယဖံဘၣ်ခိၣ်ခံခီ ဆါအ့ၣ်ထုး ဒီးယသးဘၣ်တံာ်တာ်လၢ တၢ်ရ့လိာ်ဘၣ်ထွဲသး အတၢ်ဂ့ၢ်ကီတမံၤအဃိန့ၣ်လီၤ. ယအဲၣ်ဒိးပူၤဖျဲးဒီးတၢ်သ့ၣ်တဖၣ်ခဲလၢာ်, ဒီးယကွၢ်ကွဲၤထံၣ်ဟူဒၣ်လဲာ် ယသးအတၢ်ဆိကမိၣ် လဲၤဆူန့ၣ် လဲၤဆူအံၤန့ၣ်လီၤ.

ယဘံၣ်လီၤယမဲာ်ချံ ဒီးစံးကသွံဒံဖိ “ကစၢ်ယွၤဧၢ,” ယလီၤဘှံးလီၤတီၤဒိၣ်မးအဃိ ယထးခိၣ်တထီၣ်ဖျဲးလၢၤဘၣ်. ယနီၢ်ခိနီၢ်သး အတၢ်လီၤဘှံးလီၤဘှါတဖၣ်ခဲလၢာ်န့ၣ် လဲၤကတၢၢ်ဒၣ်ဖဲ တၢ်ကတိၤဖိတဖျၢၣ်အံၤန့ၣ်လီၤ. တမံၤဂ့ၤတမၠိဂ့ၤ ယနီၢ်ခိနီၢ်သးတၢ်လီၤဘှံးလီၤဘှါတဖၣ် ကြၢးလဲၤဖဲလဲၣ်န့ၣ် ယသ့ၣ်ညါတဘျီဃီန့ၣ်လီၤ.

မး ၁၁:၂၈ အပူၤ ကစၢ်ယ့ၣ်ရှူးစံးဘၣ်ပှၤ “ပှၤလၢတၢ်ဘှံးအသး, ဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်, ဒီးယကဒုးအိၣ်ဘှံးသုလီၤ” န့ၣ်လီၤ. တၢ်ဒုးအိၣ်ဘှံးတမံၤအံၤန့ၣ် တမ့ၢ်တၢ်မံဘၣ်ဂ့ၤဂ့ၤလၢ မုၢ်တနၤအဂီၢ်ဘၣ်. တမ့ၢ်တၢ်အိၣ်ဘှံးကွၢ်ကီ ကွဲၤထံၣ်ဟူ ဒ်သိးကပူၤဖျဲးတစိၢ်ဖိဒီး ဟီၣ်ခိၣ်တၢ်မၤအသးနီၢ်နီၢ်အဂီၢ်န့ၣ်ဘၣ်. မ့ၢ်တၢ်ဘှါဆှဲဝံၤ တၢ်ဂ့ၢ်ကီအဃိ ပသးဖှံထီၣ်အသိးဒၣ်လဲာ် တမ့ၢ်ဘၣ်န့ၣ်လီၤ. တၢ်အိၣ်ဘှံးဒ်သိးလၢထးအတၢ်ပာ်ဖျါတဖၣ် ဘၣ်သ့ၣ်သ့ၣ် ကမ့ၢ်တၢ်ဂံၢ်ခီၣ်ထံးအဂ့ၤလၢ…